Contoh Sajak Sunda

 DOSA                           

 Ku: Apip Mustopa

Datangna teu karasa
Kawas impian janari
Jiga nimat jiga sawarga

Tapi lamun pajar geur peuyar
Karasa diri leuwih rucah manan meri
Inget ka basisir tempat balabuh
Di mana layar geus rapuh

Dosa
Leuwih amis manan anggur
Mun seug nembag dada nu diabur
Tapi di mana tumiba lara
Kaduhung poe make ditundung

Duh gusti
Najan ka mana nya indit
Dosa teu weleh ngukuntit


(source:pelajaran001.blogspot.com)

Contoh Deskripsi Bahasa Sunda

DESKRIPSI

Motor

Abdi gaduh motor. Motor eta teh pamasihan ti bapak abdi.

Abdi tiasa nyandak motor tos tibareto. Abdi sok nyandak motor ka sakola. Motor abdi merek na Honda Beat. Warna motor abdi koneng jeung beureum.

Meser na teh di Jakarta. Abdi dipangmeserkeun motor eta teh pas keur ulang taun.

Motor abdi beuratna kurang leuwih 20 kilo gram.

Motor abdi ban na aya dua, bentukna buleud.

Motor abdi sok disimpen di garasi.

Motor abdi sok di mandian saminggu sakali.

Motor abdi teh bensinna 10 leter sapoe.

Abdi sok nganterkeun adi abdi ka sakolana nganggo motor abdi.

Motor abdi ban na pernah kempes 2 kali.

Alhamdulillah abdi teu acan pernah cilaka pas keur nganggo motor ieu.

Motor ieu teh kedah dijaga ameh henteu babari rusak.

Contoh Eksposisi Bahasa Sunda

Nama : S. Nadia Nurul Azizah

Kelas : IX-D

Tugas B. Sunda

Eksposisi

Cara Ngajieun Pisang Goreng

Pisang goreng teh kadaharan anu ngeunah, lamun keur cape atanapi keur caneuteun.

Bahan – bahanna teh gampang.

Jeung cara ngajieunna oge gampang.

Bahan – bahanna teh ngan ukur cau, tarigu, gula, uyah, minyak goreng, mentega sareng ditambihan seres lamun resep. Sesuai jeung selera we eta mah.

Lamun resep seres nganggo, tapi lamun teu resep mah teu kedah.

Tah, abdi bade ngajelaskeun langkah – langkah ngajieun pisang goreng.

Langkah kahiji cara nyieun pisang goreng nyaeta, pesek cangkang cau, terus beulah jadi dua bagean.

Saengges eta teh, nyieun adonan.

Adonan eta teh ngan ukur tarigu jeung cai, teras purulukeun uyah sareng gula sacekapna. Teras aduk nepika sadayana kacampur.

Saterasna abuskeun cau kana adonan tarigu, nepika sadayana kaadonan.

Upami entos, panaskeun minyak dina katel.

Lamun tos panas, abuskeun cau anu tos diadonan kana jero katel nu aya minyakkan. Antepkeun nepi ka asak.

Asakna teh katinggal tina warna na, lamun entos warna kacokelatan berarti eta teh entos asak.

Upami entos asak, jait.

Simpen eta pisang goreng kana wadah atanapi piring.

Oleskeun mentega kana pisang goreng na.

Teras awurkeun seres kana pisang goreng anu entos di olesan mentega tadi.

Saentos kitu, mangga dicobian.

Tah ngan sakitu Cara Ngajieun Pisang Goreng teh.

Mangga bilih bade dipraktekkeun dibumi oge.